അങ്ങനെ പാട്ടുപാടി തീര്ന്നതും പടത്തിന്റെ ക്ലൈമാക്സ് വന്നതും ഒരുപോലെ. വീടിന്റെ ഗൈറ്റില് അമ്മ നില്പ്പുണ്ട്. ആ മുഖം കണ്ടാല് അറിയാം വില്ലന് ലുക്ക് . ഞാന് ഒന്ന് നെടുവീര്പ്പെട്ടു അകത്തേക്ക് കയറി.
വൈകിട്ട് പഠിക്കാന് പുസ്തകം തുറന്നപോലും അവളുടെ മുഖം ആണ് . ഒരുകാര്യത്തിലും ശ്രദ്ധിക്കാന് അങ്ങോട്ട് മനസ് വരുന്നില്ല.
ചോറുണ്ടിട്ട് ഞാന് കേറി കിടന്നു.
“എടാ കണ്ണാ , വേഗം എന്നേറ്റു പല്ലു തേക്ക് . രാവിലെ മാധവന് സര്ന്റെ വീട്ടില് കെമിസ്ട്രി ടുഷന് ഉള്ളതാ.” അമ്മ അടുക്കളയില് നിന്ന് വിളിച്ചു പറയുന്നുണ്ട്.
ഞാന് കുളിച്ചു റെഡി ആയി . രാവിലത്തെ കാപ്പി ഒക്കെ കുടിച്ചു.
“കണ്ണാ ഒന്ന് വേഗം വാ.ഇല്ലെങ്കി നമ്മള് അവിടെ എത്തുമ്പോഴേക്കും ലേറ്റ് ആകും.”- അരുണ് പറഞ്ഞു
ഹാ..വരുവ .ഒരു മിനിറ്റ് -ഞാന് മറുപടി കൊടുത്തു.
ഓരോ ഓരോ കുശലം പറഞ്ഞു ഞാന് കൃത്യ സമയത്ത് മാധവന് സിര്ന്റെ വീട്ടില് എത്തി. ക്ലാസ്സ് കഴിഞ്ഞു നേരെ സ്കൂളിലേക്ക് .അതാണ് പതിവ്. അന്നും പതിവ് തെറ്റിച്ചില്ല. ഞങ്ങള് സ്ചൂളിലെതിയപ്പോ കൃത്യ സമയത്ത് തന്നെ ശ്രീകുട്ടി ബസ് വന്നു. അതില് നമ്മുടെ അച്ചുവും പരിവാരങ്ങളും ഉണ്ടായിരുന്നു.
ഞങ്ങള് ഒന്ന് പുഞ്ചിരി കൈമാറി .നേരെ ക്ലാസ്സില് കയറി. ഓരോ ക്ലാസ്സ് കഴിയുംബോഴുമുള്ള ഇടവേളയില് പഞ്ചാരയടി നന്നായി നടക്കുന്നുണ്ട്.
“എടൊ , ഈ ബ്ലഡ് പ്രഷര് നോക്കുന്നതെങ്ങനെന്നു ശിനി ടീച്ചര് പഠിപ്പിച്ചത് എനിക്കങ്ങോട്ട് മനസിലായില്ല. മാഷ് ഒന്ന് പറഞ്ഞു തരുമോ ഒന്നുടെ.ഞാന് നോട്സ് എഴുതി എടുക്കാം.”- അച്ചുന്റെ ശബ്ദം ആയിരുന്നു. അതും എന്നോടാണ് ഈ ഡയലോഗ്
ഞാന് പറഞ്ഞു “ പിന്നെന്താ ഞാന് പറഞ്ഞു തരാം”
“ടാ, എങ്കില് ഞാനും കൂടി ഈരിക്കട്ടെ- സ്നേഹയുടെ അഭ്യര്ത്ഥന ആയിരുന്നു അത്
ഞാന് ഓക്കേ പറഞ്ഞു . എനിക്കറിയാവുന്ന രീതിയില് ഞാന് അവര്ക്ക് പറഞ്ഞു കൊടുത്തു . അല്പം മടിയോടെ ആണേലും മടിച്ചി അച്ചു അതൊക്കെ എഴുതി എടുക്കുന്നുണ്ട്. കൂട്ടത്തില് ഞങ്ങള് കുശലം ചോദിച്ചു പരസ്പരമുള്ള ബോറടി മാറ്റി കൊണ്ടിരുന്നു.
അച്ചു ഓരോ ചോദ്യങ്ങള് ചോദിച്ചുകൊണ്ടിരുന്നു എന്നോട് .എന്റെ വീട്ടില് ആരൊക്കെ ഉണ്ടെന്നു ,എന്ത് ചെയ്യുന്നു എന്നുമൊക്കെ,. തിരിച്ചു അവളും അവളെ കുറിച്ചു പറഞ്ഞുതന്നു .
അവളുടെ ചെറുപ്പത്തിലെ അവള്ടെ അച്ഛന് മരിച്ചു.കേട്ടപ്പോള് എനിക്കല്പം സങ്കടം തോന്നിയെങ്കിലും അവള് അത് പറഞ്ഞത് വളരെ സിമ്പിള് ആയിട്ടരുന്നു .
ഞാനും സ്നേഹയും അച്ചുന്റെ വര്ത്തമാനം കേട്ടിരുന്നു. ആ ഇരുപ്പില് എന്റെയും അച്ചുന്റെയും സൗഹൃദം വളരുകയായിരുന്നു കാരണം ഞങ്ങള് ഒരുപാട് സംസാരിച്ചു.
അതേസമയം സ്നേഹയും എന്നോട് കൂടുതല് അടുത്തുകൊണ്ടിരുന്നു. എന്തും തുറന്നു പറയുന്ന ഒരു സൊഭാവം ആയിരുന്നു സ്നേഹയുടെ.
അങ്ങനെ ദിവസങ്ങളും മാസങ്ങളും നടന്നു നീങ്ങി. ഒരു ദിവസം സ്കൂളില് ഗ്രൗണ്ടില് നില്ക്കുമ്പോള് സ്നേഹ എന്നോട് പറഞ്ഞു ……….
തുടരും …….
പ്രിയ വായനക്കാരെ ..നിങ്ങളുടെ അഭിപ്രായങ്ങളും നിര്ദേശങ്ങളും താഴെ കാണുന്ന കമന്റ് ബോക്സില് എഴുതി അറിയിക്കുക ….
0 comments:
Post a Comment